Eskularru beltzak

Eskularru beltzak izena du Jasone Osororen proiektu berriak. Gazteei zuzendutako bilduma bat da eta hasiera batean lau liburukiz osatuta egongo da. Zazpi pertsonaia nagusiren bueltan harilkatuko da bilduma: Baba, Beire, Linda, Lete, Beyonce, Kar eta Bala, zakurra. Istorio eta abentura ezberdinak egongo dira liburuki bakoitzean baina horietan guztietan bada elementu bat nabarmenduko dena: boxeoa. Izan ere, boxeoa bizitzaren metafora bezala darabil Jasonek. Bizitza ring bat da, kolpeak jaso eta ematen dira eta, erori arren, altxatu eta borrokatzen jarraitu beharra dago.

Dagoeneko kalean daude lehen lau liburukiak: Eskularru beltzak, Casting-a, Ikasbidaia eta Ihes.